С молитвой об усопших на устах: слова, помогающие в горе

Смерть человека – огромная трагедия для его родных и близких. Горе ослепляет, притупляет разум. В такие минуты кажется, что мы уже ничем не можем помочь покойному. Но это не так – искренней молитвой об усопшем можно не только облегчить его переход в иной мир, но и облегчить свои страдания.

Содержание

История возникновения заупокойных молитв

Христиане с глубокой древности верили, что молитва помогает душе усопшего в посмертном путешествии. Она бывает краткой, если человека душат слезы горя, канонической, или произносится своими словами, в свободной форме. Бывает безмолвное моление, когда мы смиренно просим Господа, глядя в небеса.

лестница в небо

Первые поминальные молитвы датированы одиннадцатым веком. Авторство самой известной разрешительной молитвы исторические источники приписывают Феодосию Печерскому. Она была написана в ответ на просьбу киевского князя. С тех пор эти слова принято произносить при проведении поминального обряда.

Разрешительную молитву, написанную на бумаге, вкладывают в ладонь покойному перед погребением.

Несколькими веками раньше 13 заупокойных стихов сложил Иоанн Дамаскин. Эти песнопения звучат на отпевании в церкви сегодня.

Церковь и Господь защищает человека каждую минуту, не покидает его в последний час жизни. Специальную молитву произносят, когда душа уходит из бренного тела в минуты мучительной агонии на смертном одре.

Когда христианин испускает последний вздох, о нем читают канон о единоумершем. Произносят слова из Псалтыря. В церкви душу отпевают, а затем предают тело земле.

По церковным канонам в первые 40 дней очень важно горячо молиться за новопреставленного. Это связано с верованием в то, что в этот момент решается судьба бестелесной оболочки. Куда попадет дух, в Ад или в Рай, зависит от деяний, которые совершал человек при жизни. После смерти он не может повлиять на свою судьбу, задача отмолить душу стоит перед родственниками и друзьями.

Как правильно молиться об усопших

Порядок поминовения в церковной практике:

  • Родственники передают записку на проскомидию: в этом случае умершего поминают на литургии.
  • Заказывают панихиду или литию на могиле.
  • Можно помолиться дома перед иконами.

женщина молится

Церковь не запрещает произнесения священных слов в свободной форме. Если мирянин не знает точного текста, то не возбраняется молчаливая молитва за упокой. Главное, чтобы она была произнесена от всего сердца. Важно. Помните, истинная память об умерших заключается не в пышных похоронах, не в дорогих оградах и надгробиях, а в искренней горячей просьбе, обращенной к Господу. Заботиться следует о душе, а не о бренных останках, которые предают земле.

Молитва об усопших, читаемая до сорока дней

С первого дня смерти и вплоть до сороковин, читайте молитву, которая облегчает участь души. Слова произносят с момента кончины, на 3, 9 и 40 день.

Помяни, Господи Боже наш, в вере и надежди живота вечнаго  новопреставленного раба Твоего (или рабы Твоей), имярек, и яко благ и человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, возставляя его во святое второе пришествие Твое в причастие вечных Твоих благ, ихже ради в Тя Единаго верова, истиннаго Бога и Человеколюбца. Яко Ты еси воскресение и живот, и покой рабу Твоему, имярек, Христе Боже наш. И Тебе славу возсылаем, со безначальным Твоим Отцем и с Пресвятым Духом, ныне и присно и во веки веков, аминь.

Молитва об усопших, читаемая после 40 дней

Эти слова читают по истечении сорока дней с момента смерти.

Помяни, Господи Боже наш, в вере и надежди живота вечнаго преставльшагося раба Твоего, брата нашего (имя), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящым Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троице и Троицу во Единстве, православно даже до последняго своего издыхания исповеда.

Темже милостив тому буди, и веру, яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.

Молитва, читаемая на 9 дней

Согласно христианским верованиям, до 9 дня душа умершего путешествует в загробном мире, видит райские кущи. Молитва помогает новопреставленному обрести покой, смириться с мыслью о неизбежности иного существования.

Боже духов и всякия плоти, смерть поправый и диавола упразднивый, и живот миру Твоему даровавый! Сам, Господи, упокой души усопших раб Твоих: святейших патриархов, преосвященных митрополитов, архиепископов и епископов, во священническом, церковном и монашеском чине Тебе послуживших; создателей святаго храма сего, православных праотец, отец, братий и сестер, зде и повсюду лежащих; вождей и воинов за веру и отечество живот свой положивших, верных, убиенных е междоусобной брани, утонувших, сгоревших, на мразе замерзших, растерзанных зверьми, без покаяния внезапно скончавшихся и не успевших примириться с Церковью и со своими враги; в изступлении ума самоубиенных, тех, о коих заповедали и просили ны молитися, о коих несть кому молитися и верных, погребения христианскаго лишенных (имя) в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими словом или делом или помышлением, яко благий Человеколюбец Бог прости, яко несть человек, иже жив будет и не согрешит. Ты бо еси един кроме греха, правда Твоя — правда во веки, и слово Твое — истина.

Яко Ты еси Воскресение, и Живот и Покой усопших раб Твоих (имя), Христе Боже наш, и Тебе славу возсылаем со безначальным Твоим Отцем, и Пресвятым, и Благим, и Животворящим Твоим Духом, ныне и присно и во веки веков. Аминь.

Ежедневно, в течение 40 дней читается специальный Акафист. Столько же раз его необходимо повторить и перед годовщиной со дня смерти.

Кондак 1

Избранный Ходатаю и Первосвященниче, о спасении мира грешнаго душу Свою положивый, давый нам власть чадами Божиими быти и обитати в невечернем дни Царствия Твоего! Даруй прощение и вечную радость усопшему, о немже с мольбою взываем Ти: Иисусе, Судие Всемилостивый, рая сладости сподоби раба Твоего.

Икос 1

Господом данный Ангеле-хранителю святый, прииди помолитися о рабе твоем, егоже на всех путех жизни сопровождал, хранил и наставлял еси, воззови с нами ко Спасу Всещедрому: Иисусе, истреби рукописание грехов раба Твоего (имярек). Иисусе, уврачуй его язвы душевныя. Иисусе, да не будет на земли горьких воспоминаний о нем. Иисусе, сего ради помилуй огорчавших его и обиженных им. Иисусе, покрый его несовершенства светоносною ризою Твоего искупления. Иисусе, возвесели его милосердием Твоим. Иисусе Неизреченный, Великий и Чудный, явися ему Сам. Иисусе, Судие Всемилостивый, рая сладости сподоби раба Твоего.

Кондак 2

Яко безутешная горлица, носится душа над юдолию земною, созерцая с высоты Божественнаго разумения греси и соблазны минувшаго пути, горько скорбя о каждом невозвратном дни, ушедшем без пользы, но помилуй раба Твоего, Владыко, да внидет он в покой Твой, взывая: Аллилуиа.

Икос 2

Аще и Ты страдал о всем мире, аще и Ты проливал еси слезы и кровавый пот о живых и мертвых, кто нас удержит от молитвы за усопшаго? Подражая Тебе, сошедшему даже до ада, молимтися о спасении раба Твоего: Иисусе, жизни Подателю, озари его светом Твоим. Иисусе, да будет он едино с Тобою и Отцем [и Духом]. Иисусе, всех призываяй в виноградник Твой, не забуди озарити его светом Твоим. Иисусе, щедрый Раздаятелю вечных наград, яви его сыном чертога Твоего. Иисусе, верни душе его благодатныя силы первозданныя чистоты. Иисусе, да умножатся во имя его добрая дела. Иисусе, согрей осиротевшия Твоею таинственною отрадою. Иисусе, Судие Всемилостивый, рая сладости сподоби раба Твоего.

Кондак 3

Связанный узами плоти раб Твой падаше греховно, обаче дух его томился есть по Твоей вечной правде и святости, ныне же, егда немощь плотская скована есть могильным тлением, да вознесется душа его превыше солнца к Тебе, Всесвятому, и воспоет песнь избавления: Аллилуиа.

Икос 3

Верховный апостол Твой в хладную нощь у огня трижды отреклся есть от Тебе, и Ты спасл еси его. Единый ведый человеческаго естества немощь, прости и рабу Твоему (имярек) многовидная отпадения от воли Твоея. Иисусе, всели его тамо, идеже несть заблуждений. Иисусе, избави его от тягостных терзаний совести. Иисусе, да сгинет навеки память грехов его. Иисусе, соблазнов юности его не помяни. Иисусе, от тайных беззаконий очисти его. Иисусе, осени его тихим светом спасения. Иисусе, Судие Всемилостивый, рая сладости сподоби раба Твоего.

Кондак 4

Бури жизни миновали, страдания земная окончена, безсильны врази с их злобою, но сильна есть любовь, избавляющая от вечнаго мрака и спасающая всех, о ком возносится Тебе дерзновенная песнь: Аллилуиа.

Икос 4

Ты еси без числа милосерд к нам. Ты единый Избавитель, что мы прибавим к подвигу спасающия любве Твоея? обаче якоже Симон Киринейский помогаше нести Крест Тебе, Всесильному, тако и ныне благости Твоей угодно есть спасение близких совершати с участием нашим. Иисусе, Ты заповедал еси друг друга тяготы носити. Иисусе, Ты еси и по смерти милующий нас. Иисусе, союз любве положивый между мертвыми и живыми. Иисусе, да послужат подвизи любящих во спасение рабу Твоему (имярек). Иисусе, услыши его вопль сердечный, возносимый нашими устами. Иисусе, в наших слезах приими его покаяние. Иисусе, Судие Всемилостивый, рая сладости сподоби раба Твоего.

Кондак 5

Боже, да будет принят Тобою его предсмертный вздох сокрушения, якоже мольба благоразумнаго разбойника. Он угас на жизненном кресте, даждь наследовать ему Твоя обетования, якоже тому: «Аминь, глаголю тебе, ныне же со Мною будеши в раи», где сонмы раскаявшихся грешников радостно поют: Аллилуиа.

Икос 5

За нас Распятый, за нас измученный, простри руку с Твоего Креста, каплями крови Твоея безследно омый излитыя согрешения его, благообразною Твоею наготою согрей обнаженную осиротевшую душу. Иисусе, Ты ведал еси его жизнь до рождения и возлюбил его. Иисусе, Ты видел еси его издалече с высоты Креста Твоего. Иисусе, Ты простирал еси ему, вдаль грядущему, изъязвленная объятия Твоя. Иисусе, Ты взывал еси о прощении его на кровавой Голгофе. Иисусе, Ты кротко умирал еси за него в тяжких муках. Иисусе, претерпевый во гробе положение, освяти его могильный покой. Иисусе воскресший, вознеси ко Отцу озлобленную миром и спасенную Тобою душу. Иисусе, Судие Всемилостивый, рая сладости сподоби раба Твоего.

Кондак 6

Спит он вечным сном могилы, обаче душа его не дремлет, чает Тебе, Господи, жаждет Тебе, вечнаго Жениха. Да исполнятся на умершем слова Твоя: «Ядый Мою Плоть и пияй Мою Кровь, имать живот вечный». Даждь ему ясти от манны сокровенныя и пети у Престола Твоего: Аллилуиа.

Икос 6

Смерть разлучила есть со всеми ближними: отдалися душа, знаемии сокрушаются, и токмо Ты един остался еси близок. Разрушились преграды плоти, и Ты открылся еси в неприступном величии Божества с ожиданием ответа. Иисусе, Любовь превыше всякаго разумения, помилуй раба Твоего. Иисусе, удаляясь от Тебе, он тяжко страждаше. Иисусе, прости неверность его сердца. Иисусе, обманутыя надежды рождали тоску по Тебе. Иисусе, вспомни те часы, егда душа его трепеташе восторгом Твоим. Иисусе, даждь скончавшемуся неземную радость и покой. Иисусе, единый верный, неизменный, приими его. Иисусе, Судие Всемилостивый, рая сладости сподоби раба Твоего.

Кондак 7

Веруем, яко недолга будет разлука наша. Мы хороним тебя, яко на ниве зерно, ты имаши произрасти в иной стране. Да погибнут в могиле плевелы грехов твоих, а дела добрая там просияют, идеже семена добра приносят нетленныя плоды, идеже души святии поют: Аллилуиа.

Икос 7

Егда уделом умершаго станет забвение, егда образ его поблекнет в сердцах и время изгладит вместе с могилою и ревность молитвы о нем, и тогда Ты не остави его, даждь отраду одинокой душе. Иисусе, Твоя любовь не охладевает. Иисусе, неистощимо есть Твое благоволение. Иисусе, в неумолкаемых мольбах Церкве да омыются греси его приношением Жертвы Безкровныя. Иисусе, предстательством всех святых даруй ему благодать молитвы о живых. Иисусе, во дни испытаний наших приими его ходатайство о нас. Иисусе, Судие Всемилостивый, рая сладости сподоби раба Твоего.

Кондак 8

Имамы молитися со слезами, егда память об усопшем мучительно свежа есть, имамы поминати имя его в нощи и во дни, раздавая милостыню, питая гладных, из глубины души взывая: Аллилуиа.

Икос 8

Тайнозритель Иоанн Богослов созерцаше у Престола Агнца Божия великое множество людей, облеченных в белыя ризы: се тии, иже приидоша от скорби великия. Они радостно служат Богу день и нощь, и Бог обитает с ними, и не коснется их мука. Иисусе, причти к ним и раба Твоего (имярек). Иисусе, он много страдаше и томляшеся. Иисусе, известны Тебе все горьции часы и тягостныя минуты его. Иисусе, на земли он имаше печали и скорби, даждь ему на небе отраду. Иисусе, услади его от источников живыя воды. Иисусе, отыми всяку слезу от очей его. Иисусе, всели его, идеже не опаляет, но живит солнце правды Твоея. Иисусе, Судие Всемилостивый, рая сладости сподоби раба Твоего.

Кондак 9

Кончено странствование земное, кий благодатный переход в мир Духа, кое созерцание новых неведомых миру земному вещей и небесных красот, душа возвращается в Отечество свое, идеже светлое солнце, правда Божия просвещает поющих: Аллилуиа.

Икос 9

Аще отблеск и след Твой полагает сияние на лице смертных, каков же Сам еси?! Аще плоды Твоих рук столь прекрасны, и земля, отражающая токмо тень Твою, полна невыразимаго величия, каков же невидимый Лик Твой?! Открой славу Твою усопшему рабу Твоему (имярек). Иисусе, обостри его слух к восприятию Твоего Божества. Иисусе, обостри его ум к разумению небесных. Иисусе, да будет его радость преисполненная. Иисусе, подкрепи его надеждою встречи в обителех блаженных. Иисусе, даждь нам почувствовать благодатную силу заупокойныя молитвы. Иисусе, Судие Всемилостивый, рая сладости сподоби раба Твоего.

Кондак 10

Отче наш, скончавшагося в Царствие Твое приими, идеже несть греха и зла, идеже нерушима Святая воля, идеже в сонмах чистейших душ и непорочных Ангелов святится Твое благодатное имя и благоухает хвала: Аллилуиа.

Икос 10

В той день Ангели поставят Престол Твой, Судие, и Ты возсияеши во славе Отца Твоего, неся воздаяние всякому человеку. О, воззри тогда милостиво на смиреннаго раба Твоего (имярек), рцы ему: «Прииди одесную Мене». Иисусе, яко Бог власть имаши оставляти грехи. Иисусе, прости его согрешения забытая или стыдом утаенная. Иисусе, отпусти беззакония немощи и неведения. Иисусе, избави его от несвятимых глубин адскаго отчаяния. Иисусе, да унаследует он Твоя животворящая обетования. Иисусе, сопричти его благословенным Отца Твоего. Иисусе, даждь ему во веки нескончаемое блаженство. Иисусе, Судие Всемилостивый, рая сладости сподоби раба Твоего.

Кондак 11

Владыко Всеблагий, да отверзятся усопшему солнцевидныя врата райския, да встретят его с ликованием соборы праведных и святых, сонмы близких и любивших его, да возрадуются о нем светоноснии Ангели Твои, да узрит он и Присноблаженную Матерь Твою тамо, идеже победно звучит: Аллилуиа.

Икос 11

Под дыханием Твоим оживают цветы, воскресает природа, пробуждаются сонмы мельчайших тварей, Твой взор светлее весенних небес, Твоя любовь, Иисусе, теплее лучей солнечных. Ты из праха земнаго воскресил еси бренную плоть человеческую к расцвету вечныя нетленныя жизни весны, тогда озари и раба Твоего (имярек) светом милостей Твоих. Иисусе, в Твоей деснице благоволение и жизнь. Иисусе, во взоре Твоем свет и любовь. Иисусе, избави усопшаго от вечныя смерти духовныя. Иисусе, сей усну с надеждою, подобно Нилу-реце пред холодной зимой. Иисусе, пробуди его, егда терния земли облекутся цветом вечности. Иисусе, да не омрачит ничто земное его последняго сна. Иисусе, Счастье Неизменное и цель нашего бытия. Иисусе, Судие Всемилостивый, рая сладости сподоби раба Твоего.

Кондак 12

Христе! Ты – Царство Небесное, Ты – земля кротких, Ты – обитель многих, Ты – питие совершенное новое, Ты – одеяние и венец преподобных, Ты – ложе упокоения святых, Ты – Сладчайший Иисусе! Тебе подобает хвала: Аллилуиа.

Икос 12

Под образом тихих садов неземныя красоты и светлых, яко солнце, обителей и в великолепии небесных песнопений Ты открыл еси нам блаженство любящих Тя. Иисусе, да внидет раб Твой в радость Твою. Иисусе, облецы его сиянием славы Отца. Иисусе, освяти его озарением Духа Святаго. Иисусе, да услышит он неизреченную песнь Херувимов. Иисусе, да будет он восходить от славы в славу. Иисусе, да узрит он Тебя лицем к лицу. Иисусе, Судие Всемилостивый, рая сладости сподоби раба Твоего.

Кондак 13

О Женише Безсмертный, в полночь греха и неверия грядый с небес со Ангелами судити миру всему! Отверзи двери славнаго чертога Твоего рабу Твоему (имярек), да в безчисленных сонмах святых во веки поет: Аллилуиа, аллилуиа, аллилуиа.

Молитва, читаемая по новопреставленному

Если с момента смерти прошло менее 40 дней, в молитвенном обращении принято говорить новопреставленный. По прошествии времени усопшего именуют уже преставившимся.

Помяни, Господи Боже наш, в вере и надежди живота вечнаго новопреставленного раба Твоего (или рабы Твоей), (имя), и яко благ и человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, возставляя его во святое второе пришествие Твое в причастие вечных Твоих благ, ихже ради в Тя Единаго верова, истиннаго Бога и Человеколюбца. Яко Ты еси воскресение и живот, и покой рабу Твоему, (имя), Христе Боже наш. И Тебе славу возсылаем, со безначальным Твоим Отцем и с Пресвятым Духом, ныне и присно и во веки веков, аминь.

Молитвы, читаемые об умерших супругах

Вдове или мужу, оставшемуся без жены, рекомендуется читать специальные молитвы.

Икона и свечи

Молитва вдовы об усопшем муже

Христе Иисусе, Господи и Вседержителю! Ты плачущих утешение, сирых и вдовиц заступление. Ты рекл еси: призови Мя в день скорби твоея, и изму тя. Во дни скорби своея прибегаю к Тебе аз и молюся Ти: не отврати лица Твоего от мене и услыши моление мое, приносимое Тебе со слезами. Ты, Господи Владыко всяческих, благоволил еси сочетати мя с единым из рабов Твоих, во еже быти нам едино тело и един дух; Ты дал еси мне сего раба, яко сожителя и защитника. Твоей же благой и премудрой воле изволися отъяти от мене сего раба Твоего и оставити мя едину. Преклоняюся пред сею Твоею волею и к Тебе прибегаю во дни скорби моея: утоли печаль мою о разлучении с рабом Твоим, другом моим. Аще отъял еси его от мене, не отыми от мене Своея милости. Яко же некогда приял еси вдовицы две лепты, тако приими и сие моление мое. Помяни, Господи, душу усопшего раба Твоего (имя), прости ему все согрешения его, вольная и невольная, аще словом, аще делом, аще ведением и неведением, не погуби его со беззаконми его и не предаждь вечной муке, но по велицей милости Твоей и по множеству щедрот Твоих ослаби и прости вся согрешения его и вчини его со святыми Твоими, идеже несть болезнь, ни печаль, ни воздыхание, но жизнь безконечная. Молю и прошу Тя, Господи, даруй ми во вся дни жизни моея не преставати молитися о усопшем рабе Твоем, и даже до исхода моего просити у Тебе, Судии всего мира, оставления всех согрешений его и вселения его в Небесные обители, яже еси уготовал любящим Тя. Яко аще бо и согреши, но не отступи от Тебе, и несумненно Отца и Сына и Святаго Духа православно даже допоследняго своего издыхания исповеда; тем же веру его, яже в Тя, вместо дел ему вмени: яко несть человек, иже жив будет и не согрешит, Ты един кроме греха, и правда Твоя – правда во веки. Верую, Господи, и исповедую, яко Ты услышиши моление мое и не отвратиши лица Твоего от мене. Видя вдовицу, зельне плачущу, умилосердився, сына ея, на погребение несома, воскресил еси: тако умилосердився, утиши и скорбь мою. Яко же отверзл еси рабу Твоему Феофилу, отшедшему к Тебе, двери милосердия Твоего и простил еси ему прегрешения его по молитвам Святыя Церкве Твоея, внемля молитвам и милостыням супруги его: сице и аз молю Тя, приими мое моление о рабе Твоем и введи его в жизнь вечную. Яко Ты еси упование наше. Ты еси Бог, еже миловати и спасати, и Тебе славу возсылаем со Отцем и Святым Духом. Аминь.

Молитва об усопшей жене

Христе Иисусе, Господи и Вседержителю! В сокрушении и умилении сердца моего молюся Тебе: упокой, Господи, душу усопшия рабы Твоея (имя), в Небеснем Царствии Твоем. Владыко Вседержителю! Ты благословил еси супружесткий союз мужа и жены, егда рекл еси: не добро быти человеку единому, сотворим ему помощника по нему. Ты освятил еси союз сей во образ духовнаго союза Христа с Церковию. Верую, Господи, и исповедую, яко ты благословил еси сочетати и мене сим святым союзом с единою из рабынь Твоих. Твоей же благой и премудрой воле изволися отъяти у мене сию рабу Твою, юже дал еси мне, яко помощницу и сопутницу жизни моея. Преклоняюся пред сею Твоею волею, и молюся Ти от всего сердца моего, приими моление мое сие о рабе Твоей (имя), и прости ей, аще согреши словом, делом, помышлением, ведением и неведением; аще земное возлюби паче небеснаго; аще о одежде и украшении тела своего печеся паче, неже о просвещении одеяния души своея; или аще небреже о чадех своих; аще преогорчи кого словом или делом; аще поропта в сердце своем на ближняго своего или осуди кого или ино что от таковых злых содела. Вся сия прости ей, яко благий и человеколюбивый: яко несть человек, иже жив будет и не согрешит. Не вниди в суд с рабою Твоею, яко созданием Твоим, не осуди ю по грехом ея на вечныя муки, но пощади и помилуй по велицей милости Твоей. Молю и прошу Тя, Господи, сил даруй ми по вся дни жизни моея не преставая молитися о усопшей рабе Твоей, и даже до кончины живота моего просити ей у Тебе, Судии всего мира, оставления согрешений ея. Да яко же Ты, Боже, положил еси на главу ея венец от камене честна, венчая ю зде на земли; тако увенчай ю вечною Твоею славою в Небеснем Царствии Твоем, со всеми святыми, тамо ликующими, да вкупе с ними вечно воспевает всесвятое имя Твое с Отцем и Святым Духом. Аминь.

Молитвы, читаемые детьми по усопшим родителям

Родители не вечны, они умирают от старости или болезней. По христианским канонам дети должны молиться об упокоении их душ, вспоминать добрым словом, посещать могилы.

Молитва за усопшую мать

Господи, Иисусе Христе, Боже наш! Ты сирых хранитель, скорбящих прибежище и плачущих утешитель.

Прибегаю к тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих. Молюся Тебе, милосердый Господи, утоли скорбь мою о разлучении с родившей и воспитавшей мя материю моею, (имя) – , душу же ея, яко отшедшую к Тебе с истинною верою в Тя и с твердою надеждою на Твое человеколюбие и милость, приими в Царство Твое Небесное.

Преклоняюсь пред Твоею святою волею, еюже отъята  бысть у мене, и прошу Тя, не отыми точию от нея милости и благосердия Твоего. Вем, Господи, яко Ты Судия мира сего, грехи и нечестия отцев наказуеши в детях, внуках и правнуках даже до третьяго и четвертого рода: но и милуеши отцев за молитвы и добродетели чад их, внуков и правнуков. С сокрушением и умилением сердца молю Тя, милостивый Судие, не наказуй вечным наказанием усопшую незабвенную для мене рабу Твою, матерь мою (имя), но отпусти ей вся согрешения ея вольная и невольная, словом и делом, ведением и неведением сотворенная ею в житии ея зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй ю и вечныя муки избави.

Ты, милосердый Отче отцев и чад! Даруй мне, во вся дни жизни моея, до последняго издыхания моего, не преставати памятовати о усопшей матери моея в молитвах своих, и умоляти Тя, праведнаго Судию, да вчиниши ю в месте светле, в месте прохладне и в месте покойне, со всеми святыми, отнюду же отбеже всяка болезнь, печаль и воздыхание.

Милостиве Господи! Приими днесь о рабе Твоей (имя) теплую молитву мою сию и воздай ей воздаянием Твоим за труды и попечения воспитания моего в вере и христианском благочестии, яко научившей мя первее всего ведети Тя, своего Господа, в благоговении молитися Тебе, на Тебе Единаго уповати в бедах, скорбех и болезнех и хранити заповеди Твоя; за благопопечение ея о моем духовном преуспеянии, за тепле приносимыя  ею о мне моления пред Тобою и за все дары, ею испрошенные мне от Тебе, воздай ей Своею милостию, Своими небесными благами и радостями в вечном Царствии Твоем.

Ты бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святым Духом, и ныне и присно и во веки веков. Аминь.

Молитва за усопшего отца

Господи, Иисусе Христе, Боже наш! Ты сирых хранитель, скорбящих прибежище и плачущих утешитель.

Прибегаю к тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих. Молюся Тебе, милосердый Господи, утоли скорбь мою о разлучении с родившим и воспитавшим мя родителем моим, (имя), душу же его, яко отшедшую к Тебе с истинною верою в Тя и с твердою надеждою на Твое человеколюбие и милость, приими в Царство Твое Небесное.

Преклоняюсь пред Твоею святою волею, еюже отъят бысть у мене, и прошу Тя, не отыми точию от него милости и благосердия Твоего. Вем, Господи, яко Ты Судия мира сего, грехи и нечестия отцев наказуеши в детях, внуках и правнуках даже до третьяго и четвертого рода: но и милуеши отцев за молитвы и добродетели чад их, внуков и правнуков. С сокрушением и умилением сердца молю Тя, милостивый Судие, не наказуй вечным наказанием усопшаго незабвеннаго для мене раба Твоего  родителя моего (имя), но отпусти ему вся согрешения его  вольная и невольная, словом и делом, ведением и неведением сотворенная им  в житии его  зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй его и вечныя муки избави.

Ты, милосердый Отче отцев и чад! Даруй мне, во вся дни жизни моея, до последняго издыхания моего, не преставати памятовати о усопшем родителе моем  в молитвах своих, и умоляти Тя, праведнаго Судию, да вчиниши его в месте светле, в месте прохладне и в месте покойне, со всеми святыми, отнюду же отбеже всяка болезнь, печаль и воздыхание.

Милостиве Господи! Приими днесь о рабе Твоем (имя) теплую молитву мою сию и воздай ему воздаянием Твоим за труды и попечения воспитания моего в вере и христианском благочестии, яко научившему мя первее всего ведети Тя, своего Господа, в благоговении молитися Тебе, на Тебе Единаго уповати в бедах, скорбех и болезнех и хранити заповеди Твоя; за благопопечение его о моем духовном преуспеянии, за тепле приносимыя им о мне моления пред Тобою и за все дары, им испрошенные мне от Тебе, воздай ему Своею милостию, Своими небесными благами и радостями в вечном Царствии Твоем.

Ты бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святым Духом, и ныне и присно и во веки веков. Аминь.

Молитвы по умершим детям, читаемые родителями

В жизни бывают трагические моменты, когда дети уходят в иной мир раньше родителей. Это невосполнимая потеря, облегчить которую может только молитва. С ее помощью безутешные родственники выражают скорбь, получают утешение, надежду на вечную жизнь и встречу с душой ребенка на небесах.

Молитва об умершей дочери

Господи Иисусе Христе, Боже наш, Владыко живота и смерти, Утешителю скорбящих! С сокрушенным и умиленным сердцем прибегаю к Тебе и молюся Ти: помяни. Господи, во Царствии Твоем усопшего рабу Твою, чадо мое (имя), и сотвори ей вечную память. Ты, Владыко живота и смерти, даровал еси мне чадо сие. Твоей же благой и премудрой воле изволися и отъяти е у мене. Буди благословенно имя Твое, Господи. Молю Тя, Судие неба и земли, безконечною любовию Твоею к нам, грешным, прости усопшему чаду моему вся согрешения его, вольная и невольная, яже словом, яже делом, яже ведением и неведением. Прости, Милостиве, и наша родительская согрешения, да не пребудут они на чадех наших: вем, яко множицею согрешихом пред Тобою, множицею не соблюдохом, не сотворихом, якоже заповедал еси нам. Аще же усопшее чадо наше, нашея или своея ради вины, бяше в житии сем, работая миру и плоти своея, и не паче Тебе, Господу и Богу своему: аще возлюби прелести мира сего, а не паче Слово Твое и заповеди Твоя, аще предавшеся сластем житейским, а не паче сокрушению о гресех своих, и в невоздержании бдение, пост и молитву забвению предавше – молю Тя усердно, прости, преблагий Отче, чаду моему вся таковыя прегрешения его, прости и ослаби, аще и ино злое сотвори в житии сем. Христе Иисусе! Ты воскресил еси дщерь Иаира по вере и молитве отца ея. Ты исцелил еси дщерь жены-хананеянки по вере и прошению матери ея: услыши убо и молитву мою, не презри и моления моего о чаде моем. Прости, Господи, прости вся согрешения его и, простив и очистив душу его, изми муки вечныя и всели со всеми святыми Твоими, от века благоугодившими Тебе, идеже несть болезнь, ни печаль, ни воздыхание, но жизнь безконечная: яко несть человек, иже жив будет и не согрешит, но Ты Един еси кроме всякаго греха: да егда имаши судити мирови, услышит чадо мое превожделенный глас Твой: приидите, благословенные Отца Моего, и наследуйте уготованное вам Царствие от сложения мира.Яко Ты еси Отец милостей и щедрот. Ты живот и воскрешение наше, и Тебе славу возсылаем со Отцем и Святым Духом, ныне и присно и во веки веков. Аминь.

Молитва об умершем сыне

Господи Иисусе Христе, Боже наш, Владыко живота и смерти, Утешителю скорбящих! С сокрушенным и умиленным сердцем прибегаю к Тебе и молюся Ти: помяни. Господи, во Царствии Твоем усопшего раба Твоего, чадо мое (имя), и сотвори ей вечную память. Ты, Владыко живота и смерти, даровал еси мне чадо сие. Твоей же благой и премудрой воле изволися и отъяти е у мене. Буди благословенно имя Твое, Господи. Молю Тя, Судие неба и земли, безконечною любовию Твоею к нам, грешным, прости усопшему чаду моему вся согрешения его, вольная и невольная, яже словом, яже делом, яже ведением и неведением. Прости, Милостиве, и наша родительская согрешения, да не пребудут они на чадех наших: вем, яко множицею согрешихом пред Тобою, множицею не соблюдохом, не сотворихом, якоже заповедал еси нам. Аще же усопшее чадо наше, нашея или своея ради вины, бяше в житии сем, работая миру и плоти своея, и не паче Тебе, Господу и Богу своему: аще возлюби прелести мира сего, а не паче Слово Твое и заповеди Твоя, аще предавшеся сластем житейским, а не паче сокрушению о гресех своих, и в невоздержании бдение, пост и молитву забвению предавше – молю Тя усердно, прости, преблагий Отче, чаду моему вся таковыя прегрешения его, прости и ослаби, аще и ино злое сотвори в житии сем. Христе Иисусе! Ты воскресил еси дщерь Иаира по вере и молитве отца ея. Ты исцелил еси дщерь жены-хананеянки по вере и прошению матери ея: услыши убо и молитву мою, не презри и моления моего о чаде моем. Прости, Господи, прости вся согрешения его и, простив и очистив душу его, изми муки вечныя и всели со всеми святыми Твоими, от века благоугодившими Тебе, идеже несть болезнь, ни печаль, ни воздыхание, но жизнь безконечная: яко несть человек, иже жив будет и не согрешит, но Ты Един еси кроме всякаго греха: да егда имаши судити мирови, услышит чадо мое превожделенный глас Твой: приидите, благословенные Отца Моего, и наследуйте уготованное вам Царствие от сложения мира.

Яко Ты еси Отец милостей и щедрот. Ты живот и воскрешение наше, и Тебе славу возсылаем со Отцем и Святым Духом, ныне и присно и во веки веков. Аминь.

Молитвы за некрещеных младенцев и детей, родившихся мертвыми

Бывают случаи, когда младенцы умирают в колыбели. Плохо, если новорожденного не успели крестить перед кончиной. На этот случай существуют молитвы, помогающие перенести боль потери, проводить умершего в последний путь и помочь душе младенца попасть в Рай.

Молитва митрополита Новгородского и Санкт-Петербургского Григория

Помяни, Человеколюбче Господи, души отшедших рабов Твоих, младенцев, кои во утробе православных их матерей умерли нечаянно от неведомых действий, или от трудного рождения, или от некоей неосторожности; окрести их, Господи, в море щедрот Твоих, и спаси неизреченною Твоею благостию.

Молитва за мертворожденных детей иермонаха Арсения Афонского

Господи, помилуй чад моих, умерших во утробе моей! За веру и слезы мои, ради милосердия Твоего, Господи, не лиши их света Твоего Божественного!

Молитвы о самоубийцах

Согласно христианской традиции самоубийц не положено отпевать в церкви. За них не молятся на литургии, не подают записки за упокой души. Просить прощения за грех лишения себя жизни теперь должны родные и близкие. Они возносят молитвы Господу келейно, вне стен храма. Но бог милостив, он не отказывает никому в любви, поэтому существуют слова, способные повлиять на участь грешника.

Молитва преподобного Льва Оптинского о самоубиенных

Взыщи, Господи, погибшую душу (имярек); аще возможно есть, помилуй! Неисследимы судьбы Твои. Не постави мне во грех сей молитвы моей. Но да будет святая воля Твоя!

Краткие молитвы

Краткие молитвы помогают мирянину вспоминать усопшего ежедневно. Их произносят дома перед иконами, в храме, на кладбище, перед тем как начать прибираться на могиле. Произносят краткие священные тексты вслух или про себя, в зависимости от места и времени. Это универсальные молитвенные слова. Произнося их, мы мысленно перечисляем всех, кто ушел в другой мир, вне зависимости от пола, возраста или социального статуса.

Краткая молитва об усопших

Упокой, Господи, души усопших раб Твоих: родителей моих, сродников, благодетелей (имена их), и всех православных христиан, и прости им вся согрешения вольная и невольная, и даруй им Царствие Небесное.

Краткая поминальная молитва

Упокой, Господи, душу раба Твоего (рабы Твоея, раб Твоих) новопреставленного (ой, ых) (имя), и прости ему (ей, им) вся согрешения его (её, их) вольная и невольная и даруй ему (ей, им) Царствие Небесное. Во имя Отца и Сына и Святаго Духа. Аминь.

Молитвы помогают хранить память об умерших родственниках. Они укрепляют дух в тяжелых ситуациях, очищают сознание от негативных мыслей и эмоций. Ежедневное чтение даже коротких священных текстов дает силу и веру. Помните, что отчаяние – это смертный грех. Нельзя опускать руки перед лицом смерти!

ЧИТАТЬ ЕЩЁ СТАТЬИ  Как молитвой очистить квартиру от зла и привлечь благодать